BALAGTASAN: Stay Single or Enter Marriage?

Balagtasan is a form of poetic debate using poetic verse in the Philippines. On the actual performance, Balagtasan consists of three speakers: a narrator, a male, and a woman. The three interact with each other in the form of a 'debate.' Each speaker takes turns reciting lines in poetic rhyme in which the next speaker will respond to.

I, together with my friends, made a balagtasan performed during the wedding of our friend. This balagtasan consists of the lakambini (narrator) and two woman representing the single side and the married side. Here it goes:

LAKAMBINI:

Sa huling araw na ito’ng ating kinabubuhayan

Isang napapanahong paksa’ng sa inyo’y inilaan

‘Dapat bang mag-asawa o manatiling single lang?’

Tanong itong sasagutin at bibigyang katuwiran

Ng mga makatang naririto na naggagandahan

MARRIED:

Single ba o mag-asawa, alin ang pipiliin?

Ang tanong na iyan di naman mahirap sagutin

Ang pag-aasawa talaga ang para sa akin

Maghahain ako ng dahilang di kayang kuwestiyunin

Ano nga ba ang kay JEHOVA’ng unang layunin?

Hindi ba’t magpalaanakin at ang lupa’y punuin?

Pero pano mapupuno kung sa buhay walang kapiling?

Kaya ang pag-aasawa ang susi para maisakatuparan Kaniyang layunin

Bilang ating Diyos, gusto niyang maging masaya tayo

Kaya’t pag-aasawa, Kaniyang iniregalo

Dahil dulot nito’y tunay na kaligayahan

Maituturing ito'ng kaibig-ibig na kalagayan.

SINGLE:

Kung tunay na kaligayahan ang ating pag-uusapan

Sermon sa bundok ni Jesus ating kababasahan

Mga paraan upang maging maligaya ang sinuman

Ngunit pag-aasawa ay hindi kasama diyan

Bilang pinakamarunong na taong nabuhay kailanman

Ang Panginoong Jesu-Kristo ang ating huwaran

Nanatili siyang walang asawa hanggang kamatayan

Ngunit pagiging di-kumpleto ay hindi niya naramdaman

Maging si apostol Pablo ay nagpapayo rin

Nananatiling walang asawa ay mas napapabuti

Pagkat magiging malaya sa mga alalahanin

Mas nakapagpopokus sa espirituwal na tunguhin

MARRIED:

Ang sabi sa Eclesiastes, minamahal kong kapatid

Panali na tatlong-ikid, di madaling mapatid

Kaya't maraming Kristiyano ang may masayang pag-aasawa

Dahil pangunahin sa kanila ang Diyos na Jehova

Habang ikinakapit ang mga payo sa Bibliya

Nalulutas nila ang maraming problema

Ang mga di masolusyunan, nababata nila

At higit na tumitibay kanilang pagsasama

SINGLE:

Ang may asawa'y dumaranas ng kapighatian sa laman

Siya'y nababalisa sa mga bagay ng sanlibutan

Upang kaniyang asawa'y mapalugdan at mapaglaanan

Ng pagkain, pananamit at iba pang pangangailangan

Ang may asawa din ay nababahagi ang atensiyon

Pagkat asawa'y kailangang paglaanan ng panahon

Dal'wang tao pa ang kinokonsidera sa pagdedesisyon

Kaya't marami talagang limitasyon at mga hamon

MARRIED:

Bakit negatibo ang namumutawi sa iyo?

Di ba't may hamon din sa walang asawa, kapatid ko?

Paano kung hindi Saksi ang manligaw sa iyo?

Baka ika'y matukso at madaya ang puso mo.

Mahirap ang walang kapartner sa paglilingkod

Sa pagkadama ng kalungkutan, di ka ba napapagod?

Kaya't maibigin ako sayong nagpapayo

Piliin mong mag-asawa sa panahong ito

SINGLE:

O kapatid ko, maligaya ang mga walang asawa

Kapag inuuna natin Kaharian ni Jehova

Pagkat makapaglilingkod tayo nang walang abala

At matututo tayong umasa nang higit sa ating Ama

Panahon ito upang palawakin ang ministeryo

Na siyang nagbubukas sa maraming pribilehiyo

Kaya't ako'y maibiging nagpapayo kapatid ko

Pagiging walang asawa ay samantalahin mo

LAKAMBINI:

Pagtatanggol ng bawat panig ay aking pinapahalagahan

Salamat sa pagbabahagi ng inyong nalalaman

Pinupunto ng bawat isa, aking nakita

Kaya naman ito ang masasabi ko sa inyong dalawa

Bawat isa sa atin ay may sariling pagpapasiya

Mananatiling single o mag-aasawa

Kapuwa kaloob ito mula sa Diyos na Jehova

Panahong pwedeng susi sa pagiging maligaya

Maaaring matagpuan ang tunay na kaligayahan

Hindi sa paggiging may kasama o solo lang

Nakadepende ito sa ating matibay na kaugnayan

Sa Diyos na Jehova na ating maibiging Ama at Kaibigan.

Many on the audience, including the newly weds, gave their appreciation on this balagtasan. As the Lakambini said, it's really up for us to decide whether to stay single or enter marriage. We can be happy on either of these situations. We just have to make sure of the more important things - our close relationship with our loving God, Jehovah.

Hope you find this interesting too. You may want to use this on your next wedding performance. If you decide to do so, we will be happy to give you permission. We're just one email away.

#staysingle #entermarriage #balagtasan #jwwedding